Loftur skrifar:
Framsókn vann Alþingiskosningarnar 2021, ekki ríkisstjórnin eins og RÚV hélt fram í Kastljósi. VG var hafnað af kjósendum, Sjálfstæðisflokkurinn fékk gula spjaldið því útkoman í Reykjavík, helsta vígi flokksins var sú alversta sem hann hefur fengið nokkurn tímann áður. Sjálfstæðismenn höfnuðu „frjálslyndum“ frambjóðendum flokksins, vel minnugir þess hverjir stóðu fyrir innleiðingu 3. orkupakka ESB í íslensk lög.
Áframhaldandi stjórnarsamstarf með VG innanborðs yrði auðvitað algjör hallærisstjórn. Tveir af núverandi ráðherrum VG eru algjörlega vanhæfir. Heilbrigðisráðherra VG skilur ekki, að það að gera Ísland að Kúbu Norðursins í anda kommúnistanna í Norður-Kóreu, Nicaragua og Víetnam leysir ekki vanda heilbrigðiskerfisins, sem hún hefur lagt í rúst. Kjósendur höfnuðu Sósíalistaflokknum og þeir höfnuðu VG. Þetta skilja allir nema þeir sjálfir og RÚV. Ráherrann þarf auðvitað að víkja, því fyrr því betra og áður en hryðjuverkin verða fleiri. Vandamálið er að losna við frúna úr ríkisstjórninni, það verður ekki auðvelt verk fyrir BB. Kannski fær KJ það hlutverk, kominn tími til að hún geri eitthvað, því hún hefur náð gífurlegum vinsældum fyrir að gera aldrei neitt. Styggir aldrei neinn sem er afar áhugaverð pæling fyrir stjórnmálaskóla unga fólksins.
Umhverfisráðherra VG, sem er með altari helgað Grétu Túnberg á skrifstofunni, gekk berserksgang dagana fyrir kosningar og náðaði allar móa og mýrar sem hann komst yfir. Allt í nafni loftslagsvár í anda Grétu litlu. Þetta fer auðvitað fyrir brjóstið á nýfrjálshyggjumönnunum, vinum hans Gunnars Smára, sem hafa áætlanir um að virkja hverja sprænu og hvern vindrass á landinu til þess eins að tengjast uppboðsmarkaði ESB með raforku. Skítt með neytendur og smáfyrirtæki í landinu, þetta fólk skilur ekki bísness.
Ísland, með grænustu orku í heimi, hreinasta vatnið, heilnæmasta loftið og hreinlyndasta fólkið hefur áætlað að kosta til nokkrum tugum milljörðum af skattfé borgaranna í baráttuna gegna „loftslagsvánni“. Við ætlum m.ö.o. að lækka hitastigið á jörðinni um núll-komma-eina gráðu fyrir hvern milljarð. Þetta þýðir auðvitað kólnun jarðar, jafnvel, nýja ísöld. Það þarf því væntanlega að stofna nýtt ráðuneyti á kostnað skattgreiðenda; Ísaldarráðuneytið.
Hver gæti orðið Ísaldarráðherra?